Cad iad Seirbhísí Óige BOOLM?

Cuireann Oifig Óige BOOLM, i gcomhar leis an Roinn Leanaí, Comhionannais, Míchumais, Lánpháirtíochta agus Óige (RLCMLO) réimse leathan seirbhísí ar fáil do dhaoine óga idir 10 agus 24 bliain d’aois. Téann siad i gcomhairle le páirtithe leasmhara bainteacha chun riachtanais obair óige a thagann chun cinn sa réigiún a shainaithint agus tairgeann réimse leathan seirbhísí lena n-áirítear:

• Scéimeanna maoinithe a riar chun tacú le hobair Óige, lena n-áirítear UBU D’Áit Do Spás, Scéim Deontais Club Óige Áitiúil, Scéim Seirbhís Óige LADTI+, an Tionscnamh Tacaíochta Spriocdhírithe Infhostaitheachta don Óige srl.
• Cúnamh agus tacaíocht d’eagrais Obair Óige m.sh. Foróige, Obair Óige Éireann, Gasóga Éireann, Banóglaigh Éireann, Banóglaigh Chaitliceacha na hÉireann, Ord Mhálta, Macra na Feirme agus eile
• Rannpháirtíocht in obair na gCoistí Seirbhísí Leanaí agus Daoine Óga (CYPSC) sa réigiún
• Tacaíocht, comhairle agus moltaí do Choiste Obair Óige BOOLM.